Kaibahang maglupad pasiring sa kalawakan an pop star na si Katy Perry.
Saro an singer sa nakatakalaan na all-women flight kan New Shepherd rocket kan Blue Origin.
Makakaibaahan kaini sinda Lauren Sanchez an fiancee ni Jeff Bezos an may-sadiri kan Blue Origin, CBS presenter Gayle King, dating Nasa rocket scientist Aisha Bowe, civil rights activist Amanda Nguyen asin film producer Kerianne Flynn.
Ini soboot an pinaka-enot na all-women space flight na mangyayari puon kan magsagibo nin solo mission kan taong 1963 an Valentina Tereshkova kan Soviet Union.
Mayo pang petsa kun nuarin an paglupad kan Blue Origin alagad pigsaysay ninda na pwedeng sa mga masunod na bulan na ini isasagibo.
Magkakaigwa si Perry nin Lifetime Tour puon Abril 23 hasta Nobyembre 11 kaya piglalaoman na pwedeng mangyari an paglupad antes an konsiyerto kaini.
