Mapahingalo nin sarong bulan si Kevin Quiambao makalihis na magsapo nin ankle injury.

Nagsapo nin injury an two-time UAAP MVP sa enot na kawat kan saiyang koponan na Goyang Sono Skygunners kontra sa Seoul SK Knights sa KBL sa Go­yang Gymnasium.

Dae pigtuyo na natungtungan ni Quiambao an bitis ni Oh Sekuen kan Seoul SK Knights pirang minuto antes matapos an second quarter.

Dae na nakabweltada sa pagkawat si Quiambao kun saan nakamate an Goyang nin 57-84 na pagkadaog.

Nakapuntos man si Quiambao nin anom na puntos gikan sa duwang three-pointers.Panibagong dagok man ini para sa Gilas Pilipinas na masabak sa final window kan FIBA Asia Cup Qualifiers sa masunod na bulan.

Parte si Quiambao kan Gilas Pilipinas pool na mahampang kontra sa Chinese-Taipei sa Pebrero 20 asin New Zealand sa Pebrero 23.