Nakabweltada na sa Pilpinas si Kevin Quiambao makalihis makisumaro sa summer league kan NBA.
Kan nakalihis na Lunes nin bangi, tolos ining nagpartisipar sa semanahang practice kan Gilas Pilipinas para sa preparasyon ninda sa FIBA Asia Cup 2025.
Pigsaysay ni Gilas head coach Tim Cone na sarong dakulang tabang sa sainda an presensiya ni Quiambao sa ensayo kan koponan.
Suportado man kan team an ginibong pagpartisipar ni Quiambao sa NBA orog na ta pangaturugan ini kan atleta.
Kaibahan sa ensayo kan nakalihis na Lunes sinda Justin Brownlee, Dwight Ramos, Carl Tamayo, AJ Edu, Scottie Thompson, Japeth Aguilar, Troy Rosario, RJ Abarrientos, Jamie Malonzo asin Chris Newsome.
Marurumduman, masabak an Gilas Pilipinas sa FIBA Asia Cup na ikukundusir sa Saudi Arabia sa bulan nin Agosto.
