NAGA CITY- Pigkundusir ngunyan na aldaw nin Lunes an kick-off ceremony para sa selebrasyon kan 2025 National Women’s month sa probinsya kan Camarines Sur.
Sa entrevista kan Bombo Radyo Naga ki PCPT Liza Jane Alteza, PIO kan Camarines Sur Police Provincial Office, sinaysay kaini na an tema ngunyan “Babae sa lahat ng Sektor, Aangat ang Bukas sa Bagong Pilipinas”.
Makalihis kan aktibidad, magkakaigwa man nin joint fun run, pagdisiminar kan inpormasyon partikulamante an women’s law sa gabos nin municipalidad asin mga barangay sa Camarines Sur, radio program asin radio guesting sa mga radyo kan probinsya.
Sa huring semana man kan bulan nin Marso, matiripon an mga policewomen asin mga uniformed personnel para sa culminating program kun saen, ma-aawardan an mga police womens asin an mga taga media na kababayehan na igwa nin mga magagayon na accomplishment sa bilog na taon.
Pigtawan-duon man kan opisyal an importansya kan mga kababayehan sa sarong komunidad nin huli ta bako sanang Nanay an gampanan kan sarong babaye alagad ini man an nagtitindog komo ama, asin partner kan mga lalaki, magin sa nasyon tanganing mapamarhay an nasyon.
An nasambitan naman na selebrasyon an nagpapatotoo na gabos na tawo an pantay-pantay orog na pag-abot sa ley.
