Aram baya nindo mga ka-bombo, labi an kakilhagan kan sarong lalaki makalihis kaining makuanan sa video an sarong kino na bako sanang saro kundi igwang tolong lawas na nagluwas sa saiyang cabinet.
Basado sa report, napagimata an lalaki pasado alas 5 nin aga huli sa kaluskos sa saiyang cabinet. Kan surion, labi an saiyang pagkakilhag kan garo tolo an lawas kan sarong nagluwas na kino.
Sigun sa nasambita ng lalaki, igwang nagkapirang kino sa saindang harong alagad kakaiba an na-videohan kaini.
Paliwanag man kan beterinaryang si Dr. Zarah M. Rosuello, an nakuanan na video kan lalaki an sarong inang kino na kaibahan an duwa kaining aki.
