NAGA CITY- Nagtitinir na aktibo an programa kan Minalabac MPS na Kabataan Kontra Droga at Terorismo o KKDAT.
Sa entrevista kan Bombo Radyo Naga ki PSSG Karen Callo, PCAD/ PNCO kan Minalabac MPS, sinaysay kaini na an KKDAT an National Program kan PNP na kun saen pig-eenkaminar an mga jovenes na ma-develop an saindang leadership skills, potential, talent asin enkaminaron an mga ini an dae magbali sa mga teroristang grupo siringman an dae paggamit o pagpabakal nin illegal drugs.
Sigun ki Callo, sa presente mayo man naireport na mga kajovenan na naggagamit nin ipinapangalad na bulong alagad pig-ako man kaini na igwang mga adults an naiimbwelto digde.
Saro sa mga pighihiling na rason an pagigin active kan mga jovenes sa komunidad huli man sa tabang kan lokal na gobierno kan Minalabac. Katakod digde, libredo an pagbali sa nasambitan ng programa, kaipuhan sana an pag fill up nin forms an isusumiter sa saindang hepatura.
Dugang pa kan opisyal, magagamit sa paghahanap nin trabaho an pagigin miyembro kan KKDAT nin huli ta nagpapahiling soboot ini nin magayon na background kan sarong jovenes.
Sa ngunyan, pigsierto na sana ni Callo na padagos-dagos an saindang pigkukundusir na visitation sa barangay tanganing magpa-abot nin magkakanigong impormasyon.
