Aram baya nindo mga ka-bombo, an CL1 an sarong innovative biological computer na pigsasalak an human brain cells sa silicon hardware gamit an sarong advanced computer case na iyo man an nagseserbe komo life-support para sa cells.
Susog sa report, an Australian biotech company na Cortical Labs an kasuarin sana nagin sentro kan internasyunal na bareta kan saindang pig-anunsyar an pig-apod na “the world’s first code deployable biological computer.”
An nasa likod kan inobasyon kan CL1 an sa paagi kan pagbubugtak kan brain nerve cells na kinua sa pluripotent stem cells (iPS cells) sa silicon chip.
An nasambitan ng cells iyo man an nagsisimbag sa electrical signals, na nagigin dalan sa pagporma nin networks na nagpo-proseso kan impormasyon na kaparehas kan living brain.
An response na ini an pigrerecord asin pig-analisa kan AI software na nagtutugot digde na makanood nin mas marekas kumparar sa traditional artificial intelligence systems.
Nagtutubod kaya an Cortical Labs na an pag-integrate kan biological elements siring kan neuron-based systems kayang makatabang sa pagpapamarhay sa mga gibuhon na kun saen nasasakitan man digde an tradisyuna na AI siring kan pagdedesisyon sa mga dae kabisado na kapalibutan o sitwasyon.
