Pigbubusol kan sarong mambabatas an pagkakaigwa nin komprehensibong health insurance para sa mga paratukdo sa pampublikong eskwelahan asin taon-taon na P7,000 na medical allowance para sa paggamit kan nasabing benepisyo.
Pigproponer ni Bicol Saro Partylist Rep. Brian Raymund Yamsuan House Bill No. 10990 na an Departamento nin Edukasyon nagpaplano na magtao nin health maintenance organization (HMO)-type na sakop sa mga paratukdo hale sa mga pampublikong eskwelahan.
Kabali sa sarong milyon na maestra sa pampublikong eskwelahan sa ansa basic education system an makikinabang sa oras na magin bilog na ley an nasambitan ng prosopuesto.
Segun ki Yamsuan, katuyuhan kan saiyang pag-file kan nasambitan ng bill iyo na masierto an pagkakaigwa nin mas mahewas na health benefits para sa mga maestra sa pampublikong eskwelahan asin magigin permanente asin parte kan saindang benepisyo.
Pig-omaw ni Yamsuan si DepEd Secretary Sonny Angara sa pagtao nin P7,000 na medical allowance sa mga paratukdo sa pampublikong eskwelahan puon sa masunod na taon 2025.
Sa irarom kan Executive Order No. 64 na pinirmahan ni Presidente Ferdinand Marcos Jr., itatao kan gobyerno an P7,000 sa mga kwalipikadong civilian personnel kan gobyerno kabali an haros sarong milyon na paratukdo.
An P7,000 na medical allowance dakulang paglangkaw sa P500 na medical examination allowance na nareresibe kan mga paratukdo sa 2020.
Pigtawan duon man ni Yamsuan na sa presente dae nakakakua nin paid sick leave benefits an mga paratukdo na nakukua kan ibang mga propesyonal kun kaya saro ini sa mga kasakitan na inaagihan kan mga paratukdo.
Pigsaysay pa man kan mambabatas na an de kalidad na pag-ataman sa salud nagkakanigo sanang itao sa mga paratukdo sa pampublikong eskwelahan.
