Dinara si Senador Jinggoy Estrada sa Cardinal Santos Medical Center sa Greenhills, San Juan City makalihis na isairarom sa Knee X-Ray Procedure, ngonian na Miyerkules, Agosto 26.
Temporaryo ining nakaluwas sa New Quezon City Jail makalihis na mangaipo nin atensyon medikal huli sa kulog kan saiyang tuhod.
Segun sa pahayag ni Dr. Fernando Syquia, sarong orthopedics doctor na nag-eksamin ki Senador Estrada, sinabi kaini na nagisi an parte kan saiyang walang tuhod huli sa salang standing position.
Mantang an saiyang toong tuhod haloy nang nagtitios nin osteoarthritis.
Tinawang-duon ni Doctor Syquia na kun maging concern asin ulang an saiyang tuhod sa kabilogan na salud ni Estrada, posibleng maoperahan ini.
Sa presente, padagos na pigsasairarom sa monitoring asin anti-inflammatory medication an senador.
Dugang pa kan doktor, saro man na risk factor an timbang kan senador asin pigrerekomendar an pagkakan kaini.
Pinahimutikan kan BJMP an mga report na nahalnas si Estrada sa banyo kan New Quezon City Jail, na nagin rason kan pagkulog kan saiyang tuhod.
