Naglala pa an kondisyon ni Pope Francis sa nakalihis na 24 oras, sigun sa Vatican sa sarong pahayag kun saen nakamati ini nin “prolonged asthma-like respiratory crisis” asin nangangaipuhan nin pagsasalin nin dugo.
Magigirumdumang na-admit si Pope Francis sa Gemelli hospital kan nakalihis na Pebrero 14 makalihis na pirang aldaw maeksperyensyahan an sakit sa paghangos.
Magpuon pa kaidto, na-diagnose na an Santo Papa na igwa nin double pneumonia.
Pig anunsyar kan Vatican na dae na muna paramientras makapagpapahiling an santo papa sa publiko sa Dominggo tangani mangenot sa pagpangadyi kaiba an pilgrims.
