Pigtawan-duon ni Department of Trade and Industry (DTI) Secretary Cristina Roque kan nakalihis na Biyernes an promesa kan Pilipinas sa pagpapakusog kan koneksiyong pang-ekonomiya asin diplomatiko sa mga miyembrong ekonomiya kan Asia-Pacific Economic Cooperation (APEC).
Sa sarong entrevista sa Gyeongju, South Korea, sinaysay ni Roque na obheto kan Pilipinas na pararumon an pakikipagtabangan sa gabos kan kapwa miyembro kan APEC an kalakalan, pulitika asin ulayang panluwas kan nasyon.
Binanggit ni Roque an naglalangkaw kamugtakan kan Pilipinas komo sarong “Asian superstar,” na nagtatao nin mga pagkakataon tanganing makaakit nin mas kadakol na dayuhang pamumuhunan.
Sinaysay kan Trade chief na an duwang aldaw kan APEC Economic Leaders’ Meeting an nagtatao nin plataporma tanganing maipahiling ni Marcos an mga plano asin pagkakataon kan Pilipinas sa mga lideres kan kinaban.
Pigdugang kaini na an kaganapan an nagtatao nin dakulang tabang sa Pilipinas, mantang nagpepreparar ining mag-host nin Association of Southeast Asian Nations (ASEAN) Summit sa 2026, sarong kaganapan na labi pang mapahiling nin mga handog kan nasyon sa mga regional partners.
Liwat pinatunayan ni Roque an bilog na suporta kan DTI sa mga inisyatiba ni Marcos, na pig-eenkaminar an publiko na samantalahon an mga programa asin proyekto kan ahensiya na obhetong pakusugon an mga lokal na negosyo asin pag-uswag kan ekonomiya.
