NAGA CITY- Nangapudan an sarong konsehal sa siyudad nin Naga sa pag-iriba kaini sa Sangguniang Panlalawigan na suportaran asin proteheran an derechos kan nasyon sa West Philippine Sea.
Sa nagin patara-tara ni Naga City Councilor Jude Diokno, sinaysay kaini na an mga public servants sa bilog na nasyon igwang responsabilidad na depensaran kun ano an pagsasadiri kan Pilipinas.
Sigun ki Diokno, an pauro-utro na harassment asin panlalaog kan China sa teritoryo kan nasyon an dae kaako-ako asin dapat na tuligsaon.
Nagtutubod kaya an opisyal na enkaso ipasipara sana an problema, nangangahulugan sana ini na pigtotolerate kan nasyon an salang gawi kan iba orog na sa pagsasadiring teritoryo kan Pilipinas.
Dugang pa kan konsehal, kun dae mahiro ngunyan maabot an panahon na kadakol pang isla o teritoryo an aaangkinon kan iba na pagsasadiri kan nasyon.
Huli kaini, an boses kan mga local officials dakula nang paagi tanganing ipahiling na nakikisumaro asin nagtitindog an mga ini para sa nasyon.
Nagtutubod pa si Diokno na an pagtindog para sa West Philippine Sea an sarong aksyon kan patriotism asin makabulugang gibuhon. Sa ngayon, naglalaom na sana an opisyal na magkaigwa nin pagkakasararo asin tawan nin atensyon an problema kan nasyon pag-abot sa nasambitan ng kadagatan.
