NAGA CITY- Pangapudan kan sarong konsehal sa siyudad nin Naga para sa mga telco company na pakarhayon an saindang mga linya.
Sa nagin paghampang sa mga kagawad kan media ni Naga City Councilor Omar Buenafe, sinaysay kaini na an nasambitan ng pangapudan an katakod sa mga reklamo na pigpapa-abot kan mga residentes dapit sa kadakol na mga wire na nababayaanan kan mga telco.
Sigun sa opisyal, sa ibong kan mayo ining kuryente, mas lamang an perwisyong naitatao sa mga tao orog na sa mga nag-aagi nin huli ta nakakaulang soboot sa mga agihan asin nagdadara man nin pagkatakot sa iba.
An siring na problema an kaipuhan na tolos na maaksyunan tanganing dae naman maglala pa orog na ta sainda man soboot nahihiling na talagang kadakol na mga wire an nakakaulang sa manlaen-laen na areas sa ibong na siyudad nin Naga.
Dapat soboot ining masimbagan kan mga responsableng telco company tanganing magin marhay man saindang operasyon.
Sa ngunyan, pigsierto na sana ni Buenafe na an anuman na problema na pigpapa-abot sa saindang opisina an pigtatawan nin magkakanigong aksyon.
