Padagos na halangkaw an kumpiyansa kan mga dayuhan na namumuhunan sa Pilipinas sa ibong kan imbestigasyon sa soboot korapsyon sa mga proyekto sa pagkontrol kan baha.
Pigtawan-duon ini ni Special Assistant to the President for Investment and Economic Affairs Secretary Frederick D. Go.
Sinaysay ni Go na padagos an paglaog kan mga investment pledges sa nasyon.Pinahimutikan kaini an mga bareta kan soboot pagbagsak kan stock market huli sa mga isyu sa imprastraktura, na inaapod ining “kumpirmadong pekeng bareta.”
Sigun ki Go, inaprobaran na asin ipinadara na sa Office of the President an enot na benepisyaryo kan CREATE MORE Act, sarong Koreanong kumpanya na mamumuhunan nin labi sa $1 bilyon sa nasyon.
An CREATE MORE (Republic Act No. 12066) sarong ley na may katuyuhan na mapakusog an ekonomiya sa paagi kan mga insentibo sa negosyo.
Dugang pa kaini na mayo ni sarong foreign investor an naghali sa nasyon sa ibong kan mga isyu.
