Nagluwas nin warrant of arrest an korte kan South Korea para sa na-impeach asin suspendidong presidenteng si Yoon Suk Yeol. Kawsa ini kan saiyang idineklarang Martial Law na nagresulta sa kadakol na mga gusot.
An warrant pigpaluwas makalihis na dae magsipot si Yoon sa tulong beses na imbestigasyon.
Ini naaatubang sa mga kasong kriminal na posibleng magresulta sa habambuhay na pagkakakulong o padusang kagadanan.
An Presidential Security Service nagsayumang magsunod sa tulong search warrants, asin dae pa sigurado kun paano ipapautob an arrest warrant kontra ki Yoon.
