NAGA CITY – Ipigheras kan sarong estudyante na exciting na pag-adalan an kursong Bachelor of Arts in Communication.
Sa entrevista kan Bombo Radyo Naga ki Zaldy Clarete Talingkas Film Society – Production Design Member asin Kimát Production: Assistant Director, Scriptwriter sinaysay kaining an pinakamagayon na parte kan kursong ini an pagtatao nin pagkakataon sa lambang estudyante na mag-collaborate komo sarong grupo para mag-urulay kan magkakanigong teorya na igwang kinaaraman sa nasambitan na kurso.
Huli ta an pinapauswag kan kursong ini an magin saro an kada miyembro partikular na kadaklan sa mga nagkukua sa kursong ini an tuyong may kamawotan sa ladangan kan manlaen-laen na organisasyon.
Kun kaya importante na pigtutukdo sa kursong ini an pagigin sararo kan grupo huli ta an opinyon kan kada miyembro dae nasasayang o nababalewala rason tanganing dae masupog an mga estudyante iheras an saindang kaaraman.
Asin an makaenganyo pa sa ladangan na ini an mga tinutukdo kun sain talagang magigin attentive an mga estudyante dahil sa mga catchy scenes na strategy kan pagtukdo siring kan pagpapaeksperyensiya sa mga estudyante kan hands-on exercises kan kaaraman na maikokonsederar na epektibo talaga.
Dugang pa ni Clarete na kaibahan an saiyang mga kapwa estudyante na e-enganyo sinda sa technique na ginagamit kan mga Instructor kun sain natatawan kaini nin freedom an kada estudyante na ipahiling an kamawotan kan saindang mga puso sa kursong saindang pinili.
Marurumduman an kursong Bachelor of Arts in Communication pigbabanga sa ladangan kan writing, broadcasting, theater asin filmmaking.
