Aram baya nindo mga ka-bombo, marekas na nagdalagan an sarong lalaki makalihis kaining masaksihan kun gurano kakusog an sarong tigre na kayang gabaon an sarong bakal na gate sa China.
Basado sa report, mahihiling an sarong lalaki sa Boli County sa China na nagluwas sa saindang pigdadagusan na farm. Eksakto man an pag-agi kan sarong tigre sa luwas kan gate sa hampang kan farm kaya sinabihan kaini an saiyang pag-iriba na de na magluwas.
Alagad dae nagdangog an lalaki asin nagluwas pa nin gate asin garo pigsirip an nag-agi na tigre. Makalihis kaini, kabadong nagbwelta sa laog an lalaki asin pigsarado an gate na sa pagkakataong man na idto, nagbwe-bweltada na palan an tigre.
Garong lunadan na dire-diretsong dinamba kan tigre an bakal na gate.Sa kusog kan tigre, naraot an gate alagad marhay na sanang dae natumba kaya dae nakua an lalaki, na marekas na nagdalagan sa laog.
Sigun sa Forestry and Grassland Bureau, saro pang residente sa lugar an inatake asin nakagat kan tigre.Dinara sa ospital an residente huli sa pigsapong lunad sa kamot.
Hinahanap na man soboot an nasambitan ng tigre na pigsaysay na sarong Siberian tiger. Sigun sa mga otoridad, nagdadakol na an populasyon kan nasambitan ng mga tigre huli naman sa naggagayon na ecosystem sa sainda.
