Pigsaysay ni Pope Francis na an Kuwaresma ngunyan na taon an para sa panahon kan pagrahay mapa pisikal asin espirituwal man na aspeto.
Marurumduman, padagos na nahihilingan nin marhay na improvement ang lawas kan Santo Papa makalihis ining ma-ospital huli sa bilateral pneumonia.
Katakod kaini, nagpaluwas an Vatican kan saiyang Angelus address na nakasurat nin huli ta an Santo Papa an dae pa liwat na nakabasa huli sa sinapo kaining helang asin mga inagihan kan mga nakalihis na bulan.
Pigtawan duon ni Pope Francis na an lenten season an para sa panahon kan pagrahay. Ini an saiya soboot personal man na namamatean sa presente.
Mientrastanto, liwat na nagpasalamat an Pontiff sa gabos na mga tawo na nagpangadyi para sa ikakarahay kaini na para sa Santo Papa an nagseserbeng instrumento tanganing maglaban asin malampasan an mga huma na saiyang kinahampang.
Sa ngunyan, piglalaoman na padagos an pagrahay ni Pope Francis orog na ta tinawan ini nin duwang bulan para sa saiyang dagusang pag-recover gikan sa sinapong helang.
