Kylie Verzosa ‘engaged’ na sa non-showbiz na nobyo

Engaged na an aktres na si Kylie Verzosa sa non-showbiz boyfriend kaini na si Emil Eriksen.

Pigheras kan sarong lifestyle magazine an mga ladawan ni 2016 Miss International kun saen sulot ni Kyle an sarong engagement ring.

Sa iba pang mga ladawan mahihiling na kaibahan pa kan beauty queen an saiyang nobyo.

Taong 2024 kan ipabisto ni Kylie sa publiko an nobyo sa paagi kan sarong video sa social media.

Puon kaidto pigheras na kan duwa sa social media an mga ladawan ninda sa saindang mga biyahe sa ibang nasyon.