Nagpakol sa kabilogang 1,019 na deboto an pigrespondehan asin piglapatan nin medikal na atensiyon kan Department of Health (DOH) sa kasagsagan kan Traslacion kasuudma, Enero 10.
Sigun sa DOH, nasa 390 digde mga debotong nalugadan kan kapwa ninda deboto, naipit kan andas asin nahulog gikan sa pag-sampa sa andas.
Naireport man kan ahensiya na igwa sindang pasyente na naputulan nin muro sa bitisan makalihis magulungan kan andas.
Apwera sa mga nairehistrong lugadang deboto, may iba man na nahilo, nakaeksperyensiya nin hypertension asin hypotension o pagbaba kan dugo na pigdulog sa medical tents kan DOH.
Mayorya sa mga piglapatan kan medikal na atensiyon kan DOH Health Emergency Response Teams mga kalalakihan, kun saen nasa edad 20 hasta 24 anyos an pinakamatinding naapektaran na sinundan kan mga kabataang 15 anyos hasta 19 anyos.
