Padagos na pig-aapula kan labi 1,000 na bombero an Gifford Fire na nagsiklab kan nakalihis na Biyernes sa Los Padres National Forest sa Solvang, California.
Kun saen, nagpakol sa 72,460 ektarya an tinupok kan kalayo asin 3% pa sana digde an na-contain kan California Fire department.Huli sa mahewas na kasulo, apektado na an mga lugar kan Santa Barbara asin San Luis Obispo counties, kun saen pigpapautob na an mga evacuation orders.
Labi 460 na estruktura man an nanganganib na masulo.Apwera digde, tolong tawo man an naireport na irido kaibahan an sarong sibilyan na igwang burn injuries asin duwnang kontratistang nalugadan sa sarong aksidente kan utility vehicle.
Huli sa hibog kan aso, nagluwas na nin air quality an alert sa Cuyama asin air quality watch sa bilog na Santa Barbara County.
Pig-abisuhan an publiko na limitaran an pagtinir sa luwas, orog na an igwang mga helang sa puso o baga, mga gurang, bados asin aki.
Kasabay kaini, duwang bagong wildfire man an nagbungkaras kan nakalihis na aldaw nin Lunes. Saro na digde iyo an Rosa Fire sa Riverside County asin Gold Fire sa San Bernardino County.
Hasta sa ngunyan, nagpapadagos an imbestigasyon dapit sa rason kan Gifford Fire.
