Labi 116 katawo na an binawian nin buhay, kaibahan an pitong aki, sa padagos na nangyayaring protesta kontra gobierno sa bilog na Iran sigun sa U.S.-based Human Rights Activists News Agency (Hirana).
Sigun sa datos kan HIRANA, nagpakols a 2,638 katawo an naarestar mantang nagpapadagos an hiro-protesta na nagtungtong na sa ika-14 na aldaw.
Mantang igwang man nairehistrong 109 na miyembro kan security forces an nagadan sa tahaw kan mga protesta.
Katakod kan nangyaring karahasan, naireport man an haros 60 oras na pagputol kan internet sa Iran kuns aen pigtutubudan na saro ining lakdang tanganing pugulan an pagkuriyat kan impormasyon asin koordinasyon kan mga raliyista.
Nagpuon an mga protesta kan huring semana kan Disyembre, makalihis magmartsa an mga namamanwaan sa sentro kan Tehran kontra sa naglalangkaw na inflation asin padagos na pagbagsak kan importansiya kan pambansang kwarta na rial.
Mantang naghehewas an hiro-protesta, nagin lantad an pangapudan kontro sa gobierno, kaibahan an kurahaw na nag-eenkaminar sa mga estudyante na magin boses kan bayan asin pangapudang ibagsak an Islamic Republic.
Pinangenutan man kan Supreme Leader na si Ayatollah Ali Khameniei an pigsagibong operasyon para buwagon an mga nangyari sa rally kun saen naireport na naggamit ini nin tear gas, asin sa sarong pagkakataon kan pagpaputok kan badil.
Mantang pigsaysay man kan mga opisyal na bukas sindang dangugon an mga hinaing kan mga tawo sa ekonomiya asin pig-uugnay an nangyari sa kariribukan sa mga “rioter” asin soboot pakikiaram kan mga dayuhang nasyon partikular na an Estados Unidos asin Israel.
Mientrastamto, sa sarong pahayag, pigtawan duon ni Presidente Masuod Pezeshkian na igwang kinaaraman an mga dayuhang terorista sa kariribukan.
Katakod kaini, nagpromisa ini na aayuson kan gobierno an naglalang problemang pang-ekonomiya kan nasyon.
Mantang nag-abiso man an Iran kontra sa anumang dayuhang interbensyon. nagbabala naman ang Iran laban sa anumang dayuhang interbensyon.
