Mahagad nin tabang sa Kongreso sa masunod na semana partikularmente sa 20th Congress an nagkapirang empleyado kan NAIA.
Ini an tanganing hagadon na imbestigaran an soboot napipintong mahewas na paghahali nin trabaho sa nasambitan ng palupadan.
Kasunod ini kan dugang na singil na mapakol soboot sa 1000 porsyento sa gabos kan nangungupahan sa palupadan na pinaiiral kan New NAIA Infra Corporation.
Sigun ki Romy Sauler, dating vice President kan sarong airline company association na 38 taon nagsirbi sa palupadan, igwang dakulang koalisyon na pigbibilog kan mga obrero sa NAIA, asin NGO tanganing tutulan an soboot ipigpapauton na 300-1000 porsyentong langkaw kan singilan sa NAIA.
Sampulong ribo soboot na mga empleyado kan palupadan an nanganganib na mawaran nin trabaho sa mga masunod na aldaw.
Hurot man kan grupo na an kumpanyang NNIC kan SMC na nagpromesang malatag nin Php170 billion investment kan NNIC, na igwang kaibahan pang promesang Php 1 trilyon na kita o share an gobyerno sa laog kan 25 taon, an dakulang pasanon soboot sa mga ordinaryong pasaherong Pilipino, asin sa sararadit na negosyante.
