Naireport kan pamayuhan kan Department of Social Welfare and Development na nagpakol na sa labi sampulong ribong pamilya o katampad kan labi 44k na indibidwal an apektado kan padagos na pag-alburoo kan Kanlao Volcano.
Sigun sa ahensiya, nagtitinir pa man sa mga evacuation centers an maabot sa 4,000 pamilya o katampad kan 15,000 indibidwal.Katakod kaini an nagpapakol man sa labi 600 na pamilya an paramientras na nakikidagos ngunyan sa saindang mga kaparientes.
Basado sa datos kan DSWD, nagsampa na sa P27 milyon an humanitarian assistance na naiheras kan ahensiya sa mga residenteng apektado.
Nasa kabilogang 18,881 FFPs an naihatod kan DSWD sa mga pamilya gikan sa Western Visayas asin Central Visayas.
Apwera digde an nanao man ini nin modular tents, family kits, kitchen kits, sleeping kits asin iba pang tabang sa mga residente.
