Labi sa 150 false killer whales an na stranded sa sarong isolated na baybayon sa Tasmania, Australia ngunyan na Miyerkules, Pebrero 19.
Sa inisyal na report kan mga otoridad napag-araman na 136 sa mga ini an buhay pa.
Dae pa sa ngunyan sierto an kawsa kan pagka-stranded kan whale sa pigkokonsiderar na isolated island sa Australia.
An false killer whale an sarong endangered species na nagpapakol sa 6.1 metro an laba asin igwa nin gabat na hasta 1,361 kg.
Kahawig kan mga ini an killer whale asin karaniwang makukua sa mga tropical asin subtropical ocean o sa hararom na kadahatan sigun sa U.S. National Oceanic and Atmospheric Administration.
Mientrastanto, padagos an ginigibong imbestigasyon kan mga otoridad sa pagsuri kan mga natatadang buhay na false killer whale asin kaukulang mga lakdang tanganing maisalbar an mga ini.
