Labi 30,000 Filipino workers an apektado sa direktiba ni Presidente Ferdinand Marcos Jr. na ipagbawal an gabos kan Philippine offshore gaming operators (POGOS) sa nasyon, sigun sa Department of Labor and Employment (DOLE).
Sa House committee on games and amusement hearing kan nakalihis na Martes, Nobyembre 19 naaraman kan mga lehislador na naprofile na kan DOLE an 30,567 obrero na maapektaran kan POGO ban.
Pigsaysay ni DOLE representative John Enrico Abiad na an numero kan mga maapektaran na obrerong Pilipino sa pagbabawal kan POGO an mapakol na sa 27,790 ini an para sa direct Filipino workers mantang para sa indirect Filipino workers nakapag-profile na kan 2,777.
Pigsaysay man ni Pagcor chief Alejandro Tengco na pigsugo an DOLE na tabangan an mga apektadong obrero na makahanap nin bagong trabaho antes an 2025.
Para man sa lado kan DOLE na igwa ining employment facilitation program na makakatabang sa mga apektadong obrero sa paagi kan public employment services office.
