Pigsierto kan Department of Migrant Workers (DMW) na preparado sindang magtabang sa mga Overseas Filipino Workers (OFWs) sa Estados Unidos, na piglalaoman na maaapektaran kan posibleng mass deportation na may kinaaraman sa pagbabago kan polisiya kan Estados Unidos sa irarom kan administrasyon kan bagong napili na Presidente kan Estados Unidos na si Donald Trump.
Segun ki Department of Migrant Worker Sec. Hans Leo Cacdac, pigkakarkulong maabot sa 370,000 na undocumented Pinoy immigrants sa Estados Unidos an posibleng maapektaran kan prosopwesto kan US Mass Deportation Policy, na nagtatarget na i-deport an nasa 1 milyong undocumented immigrants taun-taon.
Magigirumduman na mapakol sa 300,000 na mga undocumented immigrants an napa-deport kada taon durante kan enot na termino ni Trump o poon kan 2017 hasta 2020. Kun saen mga 3,500 na mga Pinoy an nagpapuli sa Pilipinas.
Segun ki Cacdac, preparado na an financial, medical, asin legal assistance kan ahensya para sa mga apektadong Pinoy sa Estados Unidos.
Sa paagi kan National Reintegration Center for OFWs, matabang man an nasambitan ng ahensya sa retooling, reskilling, asin employment facilitation kan mga apektadong obrero. Ini an sa pakikipagtabangan kan DOLE, DTI asin TESDA.
