Naikurit an labi 32,000 pasahero sa gabos na pantalan sa manlaen-laen na lugar sa nasyon ngunyan na aldaw nin Biyernes, Disyembre 20, limang aldaw antes an Christmas holiday.
Sa monitoring kan Philippine Coast Guard (PCG), na-monitor an 20,024 outband passengers mantang nakakurit man nin 12,569 inbound passengers.
Pig-inspeksiyon man kan nasa 2, 747 deployed frontline personnel gikan sa 16 na PCG districts an 172 barko asin 73 motorbancas.
Puon kan nakalihis na aldaw, Disyembre 20 an naka-hightened alert na an PCG districts, stations asin sub-stations hasta sa Enero 3, 2025 tanganing mapangasiwaan an pagbulos kan mga pasahero sa mga pantalan pauli sa kaniya-kaniyang kaining mga probinsiya.
An lakdang na ini an parte kan Oplan Biyaheng Ayos: Pasko 2024 kan Department of Transportation.
Pwede man makipag-koordinar an mga pasahero sa PCG sa paagi kan saindang official FB Page o Coast Guard Public Affairs Service Contact number na 0927-560-7729 para sa inquiries, concerns, asin clarifications katakod kan saindang biyahe.
