Nakapagkurit an Philippine National Police nin kabilogang 3,616 na indibidwal na nagbalgar sa pigpautob na election gun ban kasabay kan nakalihis na panahon kan eleksyon sa nasyon.
An datos na ini kan PNP an naikurot puon Enero 12 hasta Hunyo 11 kan presenteng taon.
Pigreport man ka pulisya an mapakol sa 3,702 armas na saindang nakumpiskar sa laog kan nasambitan ng panahon.
Sa sarong pahayag sinaysay kan Philippine National Police na nagin matuninong an pigsagibong 2025 midterm National and Local Elections ngunyan na taon.
Basado man sa datos kan National Election Monitoring Action Center, nagsagibo an PNP nin kabilogang 998,679 election checkpoints sa bilog na nasyon na nagresulta sa pagkaka-arestar kan nasa 265 na indibidwal.
Nagresulta man ini sa pagkakaharang kan 1,879 indibidwal , 556 na indibidwal an naarestar sa isinagibong anti-illegal drugs operations, 229 gikan sa gun buy-busts, 686 gikan sa iba pang law enforcement operations asin saro huli sa internal security operation sa Bicol Region.
Pigsierto man kan bagong pamunuan kan PNP na padagos na mabantay an saindang hanay sa gabos na parte kan nasyon tanganing masierto an kasalbadohan kan lambang mga Pinoy.
