Nagpakol na sa labi 5,000 katawo an nagadan sa mga protesta sa Iran, kaibahan an poco mas o menos 500 security forces, sigun sa sarong lokal na opisyal.
An mga “terorista asin armadong labanan” an responsable soboot sa pagkagadan kan mga inosenteng Iranian.
Sigun man sa US-based human rights group (HRANA), 3,308 na an kumpirmadong nagadan, mantang 4,382 pang kaso an pigsusuri, asin labi 24,000 katawo an naarestar.
Dakol residente asin video sa social media an nagpahiling nin marahas na pagpugol kan mga pwersa kan estado sa mga demonstrasyon, kaibahan an direktang pambabadil sa mga nagpoprotesta na kadaklan jovenes.
Pinakahalangkaw an numero kan mga nagadan sa Kurdish region sa hilagang-kanluran, kun saen aktibo an mga armadong separatist.
Marurumduman, sumiklab an mga hiro protestasa Iran kan Disyembre 28 kan nakalihis na taon huli sa krisis sa ekonomiya, hasta sa maghewas ini sa mahewasang pangapudan para sa pagwawakas kan pamumuno kan presenteng rehimen.
Sa ibong kan mga paghiro kan estado, sinaysay ni Supreme Leader Ayatollah Ali Khamenei na dae ninda ilulugmok an nasyon sa digmaan, alagad pigsierto kaining mapapanimbag an mga responsable sa kariribukan kun saen pigsisi kan Supreme leader an Amerika asin Ukraine na nasa likod soboot kan ribu-ribong paggadan sa mahewas na hiro protesta sa saindang nasyon.
