NAGA CITY- Nagpakol sa labi 500 na indibidwal an nag-ibakwar sa Barangay Concepcion Naga City huli sa pagbaha na kawsa kan bagyong Enteng.
Sa entrevista kan Bombo Radyo Naga ki Juan Francis Mendoza, Barangay Kapitan kan nasambitan ng lugar, sinaysay kaini na kadakol an naapektaran na residentes huli sa matinding pagbaha orog na sa kasagsagan kan panlalamasa kan nasambitan ng bagyo.
Katakod kaini, igwa soboot 568 na mga indibidwal an nag-evacuate sa manlaen-laen na lugar huli sa takot na mas orog pang maglangkaw an lebel kan tubig.
Sigun sa opisyal, pighihiling ninda na saro sa rason kan pagbaha an mga basura na yaon sa creek asin mga baradong drainage. Maski pa soboot piglilinigan man ninda an lugar alagad dae malilikayan na igwa pa man giraray nag-aapod digde.
Mientrastanto, nakapuruli naman an mga nag-ibakwar na pamilya makalihis na magbaba an tubig kasuudma.
Sa ngunyan, nagpasalamat na sana an opisyal sa lado kan Coast Guard, PNP sa saindang tabang tanganing magin salbado an gabos.
