NAGA CITY- Labi 500,000 paraoma asin parasisira sa Bicol Region an nakapag-avail kan “Benteng Bigas, Meron Na!” program.
Sigun ki Lovella Guarin, tagapagtaram kan Department of Agriculture Bicol, an mga paraoma na nakarehistro sa Registry System for Basic Sectors in Agriculture sa Camarines Sur asin Sorsogon an pwede nang magbakal nin bagas na nagkakantedad nin P20 per kg.
An mga paraoma, pwedeng magbisita sa National Food Authority (NFA) asin ipresentar sa RSBSA registration tanganing maka-avail kan programa.
Dugang pa ni Guarin, an ahensiya an padagos na committed sa pagtao nin asistensiya sa mga paraoma tanganing masierto an halangkaw na ani.
Marurumduman, an DA an nag-implementar nin ban sa rice imports sa laog nin duwang bulan kun kaya sa papaabuton na aranihan, piglalaoman an marhay na ani partikular ta an mga paraoma an nakapagtanom sa nasa 66,700 hectares.
Mientrastanto, padagos man na nagtatangro an DA nin abono asin cash aid na nagpapakol sa P7,000 para sa mga paraoma na nag-ooma kan nasa labi 2 hectares, siringman an fuel subsidy para sa mga paratanom nin mais.
