Pigsierto ni Department of Economy, Planning, and Development Sec. Arsenio Balisacan na saindang susurion an nasa labi 9,000 flood control project basado sa nagin direktiba ni Presidente Ferdinand Marcos Jr.
Sa interpelasyon ni House Committee on Public Accounts Chair Terry Ridon sa budget briefing kan Development Budget Coordination Committee (DBCC) pigsaysay kan sekretaryo na balak muna nindang enoton na inspeksyunon asin rebyuhon an darakulang proyekto puon 2022 hasta 2025.
Parte kan saindang etratehiya an tukuyon kun naipatindog ba an flood control project na ini, kun ini ba an operational o partially operational, may raot asin kun nasisimbagan ba an pagpugol o pagpahupa kan pagbaha.
Paliwanag ni Balisacan na dae parte kan saindang pagsiyasat an tukuyon kun siisay an may kasalan o mayo.
Alagad an resulta soboot kan saindang pagsusuri an pwedeng gamiton kan mga ahensya siring kan COA, Ombudsman o DOJ sa pagsasagibo kan saindang sadiring imbestigasyon asin magsunad nin reklamo.
