NAGA CITY- Kumpiskado an labi P1-M na kantidad kan ilegal na shabu sa ikinasang Buy bust operation kan mga otoridad kontra sa duwang suspek sa Lucena City.
Binisto an mga suspek na sinda alyas Macho, sarong High Value Individual, 43-anyos, asin alyas Jugs, saro mang High Value Individual), 29-anyos, parehong residente kan Purok Little Baguio 1, Brgy. Ibabang Dupay, Lucena City.
Sa nagunong impormasyon kan Bombo Radyo Naga sa Quezon Police Provincial Office, napag-araman na nakabakal an posuer buyer sa mga suspek nin sarong pidaso kan heat-sealed transparent plastic sachet na pinagtutubodan shabu gamit an P1,000 komo buy bust money.
Sa inisyal na imbestigasyon kan mga otoridad, napag-araman pa na nakumpiskar pa ki alyas Jugs an duwang knot tied transparent plastic bags na naglalaog nin ilegal na shabu.
Mientrastanto, nagpakol sa 85.36 grams an mga nakumpiskar na shabu na nagkakantidad nin poco mas o menus P1,741,344.00.
Sa ngunyan, nasa kustodiya na kan mga otoridad an mga suspek para sa magkakanigong disposisyon.
