NAGA CITY- Kumpiskado an labi P400-K na kantidad kan ilegal na droga sa ikinasang buybust operation kan mga otoridad kontra sa sarong High Value Individual sa Lucena City.
Binisto an suspek na si alyas Boris, 27-anyos, residente kan Purok Lagos, Brgy. 8, sa nasambitan ng siyudad. Sa nagunong impormasyon kan Bombo Radyo Naga sa Quezon Police Provincial Office, napag-araman na nakabakal sa suspek an poseur buyer nin sarong pidaso kan heat-sealed transparent plastic sachet na pinagtutubodang shabu gamit an P1,000 komo buy-bust money.
Sa inisyal na imbestigasyon kan mga otoridad, napag-araman pa na nakumpiskar pa sa suspek an tolong pidaso kan heat-sealed transparent plastic sachets na igwa nin gabat na 20.03 grams asin nagkakantidad nin poco mas o menus P408,612.
Sa ngunyan, nasa kustodiya na kan mga otoridad an suspek para sa magkakanigong disposisyon.
