Pinaboran ni Senate President Pro Tempore Panfilo “Ping” Lacson an pag-veto ni President Ferdinand “Bongbong” Marcos Jr. sa labi ₱92.5 bilyong unprogrammed appropriations sa 2026 General Appropriations Act (GAA).
Sigun sa Presidente, pigbaba an unprogrammed funds sa irarom kan 2026 GAA sa pinakahababang antas puon pa kan 2019 tanganing masierto na an pondo kan bayan nagagamit nin malinaw asin tama para sa pambansang interes.
Katakod kaini, pigtawan duon ni Lacson na duwa sana an nahihiling kaining dapat magtinir sa listahan kan unprogrammed appropriations na pigpasa kan Kongreso: an lokal na suporta kan gobierno para sa mga Foreign Assisted Projects (FAP) asin an Revised Armed Forces of the Philippines (AFP) Modernization Program na importante para sa pagpapauswag kan ekonomiya asin pagpapapusog kan seguridad kan nasyon.
Pigtawan-linaw man kan senador na nagpakol sa labi ₱150.9 bilyon an nakalusot sa veto, kaibahan an ₱97.3 bilyon para sa FAP, ₱3.6 bilyon para sa Program Risk Management, asin ₱50 bilyon para sa modernisasyon ng AFP.
Pigpaliwanag ni Lacson na an unprogrammed appropriations bakong aktwal na cash asin pupwede sana magamit alinsunod sa mga espesyal na probisyon, partikular kun may sobrang koleksyon sa kita kan gobierno na dae gikan sa buwis, may kasabay na prosopwestong pagkukuanan kan pondo, asin aprubadong loan.
Dugang pa digde, tanganing an Presidente sana an may kapangyarihang mag-apruba sa paggamit kan unprogrammed appropriations asin para dugangan an pondo sa programmed appropriations o national budget.
Pigtawan-duon man kan senador na an paghihigot sa unprogrammed appropriations nag-ugat sa mga nagin kontrobersiya kan 2024 GAA, makalihis magdugang an bicameral conference committee nin duwang probisyong pigkokonsederar na kuwestiyonable.
Kaibahan digde an pahintulot sa government-owned and controlled corporations (GOCCs) na nagtaong-dalan sa paglilipat kan pondo kan PhilHealth sa National Treasury, asin an mahewas na probisyon sa FAP kun saen pupwedeng magamit an mga pondo sa mga dae karapat-dapat na proyekto.
Sa huri, pigsaysay ni Lacson na naoogma ini sa nagin kinalabasan kan pag-veto kan Presidente sa pirang unprogrammed appropriations, komo paagi tanganing malikayan an salang paggamit kan pondo ng bayan.
