Naihatod na kan Department of Social Welfare and Development an labi sa ₱19.5-million na kantidad nin humanitarian assistance sa mga LGUs na apektado kan bagyong Nika asin bagyong Ofel.
Segun sa ahensya, pigbibilog ini kan Family Food Packs na ipapanao sa labi sa 9,000 na pamilya na ngunyan nagtitinir sa mga designadong evacuation centers.
Nagtao man nin tabang pinansyal an DSWD sa mga apektadong pamilya sa irarom kan saindang Assistance to Individuals in Crisis Situation.
Basado sa datos kan ahensya, as of Nov. 14 , labi sa 109,415 pamilya o katampad kan 421,000 na indibidwal an naitala na apektado kan kalamidad sa nasyon.
Nagpasalamat si DSWD Secretary Gatchalian sa DBM sa pagpaluwas nin dugang na pondo para sa replenishment kan saindang Quick Response Funds.
Pigpaparikas man kaini sa gabos na regional offices an paghatod nin FFPs sa mga probinsya na maaapektaran kan nagdadangadang na Bagyong Pepito.
