NAGA CITY- Sinapian suboot kan maraot na ispirito an labi sa 10 mga estudyante sa sarong eskwelahan sa Talisay, Camarines Norte.
Sa nagunong impormasyon kan Bombo Radyo Naga, haros sarabay suboot na sinapian nin maraot na ispirito an 13 mga estudyante na kadaklan mga kababaihan kan Gonzales Ascutia National High School sa Barangay Sta. Cruz.
Antes pa man an insidente, pinutol suboot an sarong gurang ng poon nin kahoy sa laog kan eskwelahan na sinasabing rason kaya man naanggot suboot an mga ispirito na nakaistar digdi.
Huli digdi, sarabay na nagraot an pagmati kan mga estudyante asin digdi na sinapian kan anggot na mga ispirito na naghuma pang dae mauntok huli naman sa pagraot sa saindang pig-iistiran.
Tulos man na nag-apod nin padi an manhamiento kan eskwelahan tanganing magkondusir nin banal na misa katakod kan pangyayari.
