Nagpakol na sa labi sa 1,160 an kabilugang numero kan mga nagadan sa mahewasang pagbaha asin landslide sa pirang parte kan Asya, kabali na an Sri Lanka asin Indonesia.
An matinding uran an kawsa kan magkaka-suhay na weather systems na tumama sa nasyon kan Sri Lanka, Sumatra, Indonesia, katimugang bahagi kan Thailand, asin hilagang Malaysia, kasabay kan monsoon season.
Sa Indonesia, pigkakarkulong 593 na an nagadan asin man 470 an presenteng nawawara. Nagpadara na man an gobyerno nin tulong warships asin man duwang hospital ships, alagad kadakol na mga tinampo pa man sa mga apektadong lugar an dae pa maagihan.
Mientrastanto, sa Sri Lanka man nairehistro na an 390 na binawian nin buhay asin 352 an nawawara. Kasabay kainia an pagdedeklarar ni Sri Lankan President Anura Kumara Dissanayake nin state of emergency.
Mantang sa Thailand, 176 na man an nairehistrong nagadan huli sa raot nin panahon, mantang sa Malaysia, duwang tao na an napabareta na nagadan huli kan nasambitan Ng raot nin panahon.
Sigun sa World Health Organization an mga naeeksperyensyahang kalamidad an kawsa kan mga pagirumdom kun pano pinapalala kan climate change an mga matitinding weather events, mantang padagos an mga operasyon para sa rescue, relief, asin rehabilitasyon sa mga nasalantang residente sa Asya.
