Apat na aldaw antes an Pasko, labi sa 157,000 pasahero na an nagpasiring sa Parañaque Integrated Terminal Exchange (PITX) tangani bumiyahe pa-probinsiya o bumalik sa Metro Manila.
Sigun ini ki PITX Senior Corporate Affairs Officer Kolyn Calbasa, na nag abot sa 157,070 an numero kan pasahero kan nakalihis na pagkabanggi pasado alas 6, bahagyang mas halangkaw kumparar sa 156,037 kan Sabado kan parehong oras.
Nilalaoman kan pamayuhan na maglampas pa an numero na ini sa 3 milyong pasahero magpuon Disyembre 19, 2025 hasta Enero 5, 2026 para sa Kapaskuhan asin Bagong Taon.
Huli man digde, pinahigot kan PITX an saindang “Holiday Transport Plan” tangani masierto an salbado asin maayos na biyahe.
Kabali digde an pinahewas na customer assistance asin mas pinahigot na seguridad, sa pakikipagtabangan kan Department of Transportation, Land Transportation Office, Land Transportation Franchising and Regulatory Board, Philippine National Police, Metropolitan Manila Development Authority, asin transport operators
