Tinawan nin presidential clemency ni US President Joe Biden an 2,500 inmates. Alagad ini an puro convicted kan non-violent drug crimes.
Ginibo ini kan Presidente kan America, pirang aldaw antes pa man magtapos an saiyang termino sa White House.
Segun ki Biden, an nasambitan ng mga indibidwal, nagsisirbi na kan hababang sentensya kumparar sa mga hatol na pigsusunad sa mga nagkakasala ngunyan sa iraraom kan ley.
Katakod kaini, ginawad ni Biden an pardon asin man pinababa an sentensya kun saen ini an sulamenteng Presidente kan Amerika na naggibo nin nasambitan ng bagay. Napagaraman na kan Disyembre 2024, binabaan man ni Biden nin sentensya nin nasa 37 sa 40 federal inmates na naaatubang sa death penalty. Ginibo na sana ining life imprisonment without parole.
Pig anunsyar man kaini sa kaparehong bulan an pagtatao nin pardon sa 39 na convicted nin nonviolent crimes asin binabaan an sentensya kan haros 1,500 na iba pa na nagsisirbi nin mas halabang taon sa kulungan.
Enot nang pigtuyaw kan nagkapira si Biden makalihis tawan nin pardon an saiyang aki na si Hunter na guilty sa tax violations asin na-convict sa firearms-related charges.
Meintrastanto, banga man an reaksyon digde kan mga US nationals, orog na an mga nagin biktima kan mga nagibong krimen kan mga natawan nin clemency.
