Natupok an labi sa 2,000 na harong sa Isla Puting Bato sa Tondo Manila pasado alas 8:02 nin aga ngunyan nin Domingo kun sain uminabot ini sa 5th alarm asin uminabot man sa Task Force Charlie.
Segun ki Ground Commander asin FSInps. Alejandro Ramos, nawaran nin harong an labi sa sangribong pamilya hale sa Purok Uno, Dos asin Tres na apektado kan kasulo.
Mientrastanto, sa on-scene report gikan sa Bureau of Fire Protection, nagpoon suboot an kasulo sa ikaduwang eskalon kan harong kan Pamilya Ingal sa Purok Tres.
Sa ngonian, padagos pang pig-iimbestigaran an kawsa kan kasulo sa lugar na mantang alas 2:07 nin hapon pigdeklarang under control an kasulo.
Mientrastanto, pigkakarkulong maabot sa labi sa P3,500,000 an kabilogan na kantidad kan danyos na pigwalat kan kasulo sa mga residente.
Sa ngonian, padagos pa man giraray an pagberipika kan mga otoridad kun ano an nagin kawsa kan kasulo mantang an mga pamilyang naibakwar an matinir muna sa mga evacuation centers.
Nagpagirumdom an liderato kan BFP sa publiko na magin aktibo asin mapagmasid sa posibleng pinaghahalean nin kalayo.
