NAGA CITY- Labi sa 30 persona an naarestar sa piglunsar na one time big time anti-illegal drug operations kan mga otoridad sa sarong barangay sa ciudad nin Lucena.
Enot na pigserbe an search warrant sa harong na pagsasadiri kan sarong Marilyn Banatlao, 65-anyos sa purok 3B sa barangay Dalahican na nagresulta sa pagkakaarestar kan 12 mga indibidwal.
Apwera digdi, magkasabay man na pigserbe an duwa pang search warrant laban kina Jaime Botabora asin Melvin Magadia, 40-anyos sa parehong lugar na nagresulta sa pagkakaarestar sa mga ini asin sa 18 iba pa.
Huri man na pigsakyada kan operatiba an harong ni Jeopart Onggozo kun saen nakumpiskar digdi an 19 sachet kan pigtutubudang shabu asin anom na sachet kan alang na dahon nin marijuana asin mga drug paraphernalia.
Sa ngonyan, nagtitinir na sa kostudiya kan mga otoridad an nasambitang mga drug personalities hale sa apat na mga harong na sarabay na pigsakyada kan mga operatiba mantang inaandam na an kasong isasangat laban sa mga ini.
