Sinaysay kan Civil Defense Agency kan Gaza na an mga pag-atake sa ere kan Israel nagresulta sa pagkagadan nin dae mababa sa 50 katawo sa teritoryo nin Palestina, mantang an Israeli military nag-atake sa nagkapirang mga target makalihis an sarong pag-atake na nagresulta sa pagkagadan nin sarong sundalo.
An tagapagtaram man kan ahensya, na si Mahmud Bassal, inapod an mga pag-atake na “sarong malinaw asin hayag na pagbabago sa kasunduan sa pag-untok sa labanan”, alagad si Presidente Donald Trump kan US nagpahayag na “mayong” magpapahamak sa truce na saiyang tinabangan na magkasundo.
An civil defense, na nag-ooperar komo pwersa nin pagsalbar sa irarom kan awtoridad nin Hamas, sinabi na 22 na aki an kabali sa mga ginadan, pati na an mga babae asin mga gurang, asin man nasa 200 katawo an nalugadan.
Nagpuon an Israel na magsagibo nin mga pag-atake sa ere kan Martes makalihis an akusasyon na an Hamas nag-atake sa mga tropa kaini sa Gaza asin nagbalgar sa nasambitan ng truce.
An mga militanteng Hamas nagkua nin 251 katawo komo mga hostages kan saindang pag-atake sa Israel kan Oktubre 7, 2023 na nag-trigger sa giyera.
An kariribokan sa mga natatadang bangkay kan mga hostage na ginadan, nagbabantang magpahamak sa kasunduan sa pag-untok sa nasambitan ng labanan.
