NAGA CITY – Labi sa 50 katao an stranded ngunian sa Pasacao Port, Pasacao, Camamrnes Sur.
Sa entrevista kan Bombo Radyo Naga ki Petty Officer 1st Class Graciano Cañeba, Station Commander kan PCG-CamSur, sinaysay kaini na nag-abot sa kabilugang 107 an numero kan mga stranded passengers alagad an kabanga sa mga ini an napiritan na munang maghale mantang an iba naman an nakidagos na muna sa saindang mga paryentes.
Sigon ki Cañeba, dawa kalmado pa an kadagatan, alagad huli sa nakabanderang gale warning sa kadagatang sakop kan Camarines Sur kung kaya otomatikong kinanselar an byahe.
An nasambitan ng mga pasahero an anas mga pasiring sa Masbate.
Mientrastanto, mahigot man an pangapudan kan PCG sa mga parasira na dae na muna maglawod nganeng malikayan an mga aksidente sa tahaw kan kadagatan.
