Nahahampang sa peligro kan pagbaha asin serye nin pagguho nin daga an kabuuang 8,436 barangay sa bilog na nasyon huli sa padagos na pag-iral kan hanging habagat na nagdadara nin mga pag-uran.
Nagtaas ini kasuudma, Agosto 15, gikan sa dating labi sa 3,600 na mga barangay.Sigun sa Department of Environment and Natural Resources – Mines and Geo-Sciences Bureau o DENR-MGB, nakabase ini sa 72-hour rainfall forecast kan state weather bureau asin sa magiging epekto kan naturang forecast sa mga lugar na prone sa pagbaha asin pagguho nin daga.
Region 1: 2,835
Region 2: 606
CAR: 624
NCR: 1,252
Region 3: 1,969
Region 4A: 765
Region 4B: 157
Region 5: 224
Region 6: 1
Region 13: 3
Inaabisuhan an mga residente sa mga lugar na prone sa pagbaha asin pagrasay nin daga na magin alerto sa pagtaas o pagbaba kan lebel kan baha asin bantayan an mga lugar na harani sa mga salog, mga dalisdis, asin mga daluyan nin tubig o drainage canals.Ireport an ano man na senyales nin pahiro kan daga, biglaang pagtaas kan tubig, asin mahibog na lapok na resulta kan tubig-baha.
