Padagos an preparasyon kan gobyerno sa posibleng magin epekto kan Bagyong Julian sa nasyon.
Segun sa Malacañang, labi sa 263,000 na family food packs na nagkakantidad nin 242.53 milyones pesos an naka-standby sa Northern Luzon.
Asin man, labi sa 75,000 na food packs na nagkakantidad nin 56.13 milyones pesos an napreparar sa Rehiyon nin Ilocos, asin labi sa 123,000 na food packs na nagkakantidad nin 136.15 milyones pesos para sa Cagayan Valley.
Mantang 64,000 na food packs na nagkakantidad nin 50.24 milyones pesos an nakapreposisyon para sa Cordillera Administrative Region.
Sa ngonian, nagkabandera na an tropical cyclone wind signals sa darakulang parte kan Northern Luzon huli sa epekto kan Bagyong Julian.
