Labi sa P300k na kantidad nin kwarta, nalalay sa harong kan sarong engineer sa Cam Norte

NAGA CITY- Labi sa 300,000 na kantidad nin kwarta asin mga gamit an nalalay sa harong kan sarong engineer sa Barangay Mancruz, Daet, Camarines Norte.

Binisto an biktimang si Ringo Yabilay, 41-anyos.

Basado sa imbestigasyon kan Daet-PNP, nilaog nin mga dae nabibistong parahabon an harong ni Yabilay sa paagi kan pagraot sa sliding window.

Nilalay kan mga ini an sarong laptop na nagkakantidad nin P56,000; calculator na nagkakantidad nin P15,000 asin cash na P300,000. Kabale man sa mga hinabon an badil na cal. 45 pistol.

Padagos ngonian an imbestigasyon kan mga otoridad tangani na masusog an mga responsable sa panghahabon.