Naidistribwer an ₱4.4 milyon na kantidad nin mga proyektong pangkabuhayan kan Bureau of Fisheries and Aquatic Resources Bicol sa mga benepisyaryong parasira sa Catanduanes kasabay kan pagbisita ni DA Secretary Francisco P. Tiu Laurel Jr.
Manlaenn-laen ining mga kagamitan asin programa na obhetong mapakusog an kabuhayan kan mga parasira sa probinsya. Kabali digdi an sarong 22-footer motorized fiberglass boat asin duwang 30-footer motorized fiberglass boats na kompleto sa mga kagamitan na kaipuhan para sa operasyon sa pagsira.
Nagtao man nin manlaen -lain na fishing gears asin paraphernalia, mga semilya nin tilapia o tilapia fingerlings, asin duwang tilapia techno-demo projects para sa piniling mga banwaan sa Catanduanes bilang parte kan pagpapakusog kan mga programang pang-aquaculture sa probinsya. Apwera pa digdi, nakaresiber man nin pinansyal na ayuda an mga parasira sa Virac sa irarom kan Presidential Assistance to Farmers and Fisherfolk Program (PAFFP), na obhetong makatabang sa pagpapabakal asin pagpapakusog kan saindang kabuhayan asin kakayahan na makabangon sa mga hamon pang-ekonomiya.
Segun ki Secretary Tiu Laurel an padagos na suporta kan gobyerno sa sektor kan agrikultura asin siraan sa paagi kan manlain lain na programa asin interbensyon.
Ipinahayag man kan sekretaryo na nagpepreparar na an gobyerno nin dugang na fuel subsidy tanganing matabangan an mga paraoma asin parasira na malampasan an posibleng epekto kan El Niño asin iba pang mga hamon na posibleng makaapektar sa produksyon kan pagkakan asin pangkabuhayan.
Parte an inisyatibang ini kan padagos na paghinguwa kan gobyerno na pakusugon an mga komunidad sa coastal areas, itulod an sustenableng pag-uswag kan sektor kan parasira, asin mapamarhay an kamugtakan kan mga Pilipinong parasira asin paraoma.
