Labi sa 19,000 na public utility vehicles (PUVs) sa bilog na nasyon an nakatalaan na mag-agi sa government service contracting program (SCP) sa Lunes, Abril 20.
Sinabi ni Acting Transportation Secretary Giovanni Lopez na an saiyang Land Transportation Franchising and Regulatory Board (LTFRB) matabang sa mga kwalipikadong drayber asin operator sa irarom kan SCP. Kabali man digdi an mga nagpalista sa paagi kan online registration.
Dugang pa kan opisyal, dapat na on-board na sinda sa laog nin 24 oras ngani na makapoon na sindang magpartisipar sa nasabing programa. Nin huli sa matrayumpong kampanya sa impormasyon, nagkaigwa nin marhay na pag-uswag sa bilang kan mga nagparehistro. Sa irarom kan SCP, matao nin subsidiya an gobyerno nin P30 kada kilometro para sa mga jeepney, P40 kada kilometro para sa mga modernong jeepney asin P100 kada kilometro para sa mga bus.
Base sa estimasyon kan LTFRB na anom na biyahe kada aldaw sa mga carousel buses kan EDSA asin maabot sa sanggatos kilometros kada aldaw para sa mga bus, UV express, asin jeepney, nagtutubod an opisyal na mantang nagdadakol an bilang kan mga rehistrado, madudugangan man an bilang kan mga pasaherong makikinabang sa nasabing programa.
